ආප්පයත් ගණන් උස්සයි

ආප්පයත් ගණන් උස්සයි

SHARE

ගෑස් මිල, පිටි මිල හා අනෙකුත් පාරිභෝගික ද්‍රව්‍යවල මිල ගණන් ඉහළයාම නිසා ආප්පයක මිල රුපියල් 15 දක්වා වැඩි කරන බව ආපනශාලා හිමියන්ගේ සංගමය පවසයි.

මෙතෙක් කලක් ආප්පයක මිල රුපියල් 10,12 ආදී මිල ගණන් යටතේ අළෙවි වූ බවත් ගෑස් මිල ඇතුළු පාරිභෝගික ද්‍රව්‍යවල මිල ඉහළ යෑම නිසා ආප්පයක මිල රුපියල් 15 දක්වා වැඩි කරන බව ආපනශාලා හිමියන්ගේ සංගමයේ  සභාපති අසේල සම්පත් මහතා පැවසීය.

ඇතැම් ආපනශාලා හිමියන් ප්ලේන්ටි, කිරි තේ හා බත් පාර්සලයක මිල ගණන් ඔවුනට සිතෙන පරිදි සකසා ගන්නා බවත් ඒ පිළිබඳව සොයා බැලීමට සිටින පාරිභෝගික අධිකාරිය නිහඬව සිටීමට කනගාටුවට කරුණක් යැයි ද හෙතෙම සඳහන් කළේය.

මේ වන විට ප්ලේන්ටියක මිල රුපියල් 20ක් ද, කිරි තේ එකක මිල රුපියල් 40ක් ද, මාළු බත් පාර්සලයක මිල රුපියල් 140ක් ද වී ඇතැයි හෙතෙම පැවසීය.

මෙම ආහාර පානවල ප්‍රමිතිය හා අඩංගු විය යුතු පෝෂ්‍ය පදාර්ථ පිළිබඳ දොයා නොබලන පාරිභෝගික අධිකාරිය සහ පාරිභෝගික හා වෙළඳ කටයුතු ඇමතිවරයා ද පාරිභෝගිකයින්ගේ නාමයෙන් ඉල්ලා අස්වී සුදුසු අයට මේ වගකීම් බාරදිය යුතු බව ද අසේල සම්පත් මහතා කියා සිටියේය.